Inter tan Eriksen khel thei dawn tawh lo

Christian Eriksen chu inkhel leh mai theih beisei awmin a dam leh tawh. Mahse, a thawkna pui turin khawl vuah a ni a, hetiang chung chuan Italian football thuneitu lamin Serie A khelh an remti lo - inkhelh a duh a nih chuan Inter Milan a chhuahsan a ngai dawn.

Euro 2020-ah khan Eriksen hi inkhelh laklawh laiin lungphuchawl vangin a tlu a, damdawi ina hun eng emaw chen enkawl a nih hnuah a dam leh tawh. Dam tawh mah se a thawkna pui turin khawl a mamawh tel tawh.

Italian Football Federation chuan August thla khan Eriksen hi a dam pangngai emaw, khawl thel loa a awm thei emaw a nih loh chuan atan Serie A

khelh a rem loh thu an lo sawi tawh; inkhelh laklawh laia lungphuchawl vanga a buai an hlauh vang a ni.

Inter chuan thuchhuah siamin, "Eriksen a ṭha chhuak leh ta hi chanchin lawmawm bik a ni. Chutih rualin Serie A dan leh hrai vangin a inkhelh ve a rem tawh dawn lo, football a khelh chhunzawm duh a nih chuan a inkhelh theihna ram a pan kan phalsak," tiin zalenna zau tak an pek thu an sawi.