Raducanu a chak lo

Transylvania Open champion nih tum Emma Raducanu chu quarterfinal-ah vuak tlak a ni. British tleirawl hi a khingpui Marta Kostyuk lakah 6-2, 6-1 in a tlawm a,a duhthusam a ti puitling thei dawn ta rih lo.

Raducanu-i pa hi Romanian mi a ni a, Romania rama inelna hi an ngai hlu. A hmunah hian a pa ngei pawhin a fanu inkhel hi a en, a player ngaihsan pawh Simona Halep a nih avangin an tana Transylvania Open hlut dan tur chu a chiang.

Kum 18 mi Raducanu chuan, "Training kan neih lai kha ka nuam lo ṭan deuh, ka khuh avangin harsatna lian tham vak lo chu ka nei. Inkhel thei tho mah ila 100% a nih loh hi chuan thil a harsa ṭhin," tiin a sawi.

Transylvania Open-ah hian nizan khan tualchhung nula Halep leh Anett Kontaveit ten nomawi an inchuh a, result erawh kan hre hman lo.