Naismith-a'n Covid-19 vangin hlawh la tlem

Scottish Premiership club Hearts captain Steven Naismith chuan Covid-19 hri leng mekin an club sum lakluh a tihbuai avangin a hlawh chu 50% a ti hniamin a la tlem. 

Hearts hian corona-virus hrilengin club sum lakluh a tihbuai avang hian players leh staff-te chu an hlawh tih hniam pawm turin an ngen a, club captain Naismith hian hma rawn hruaiin 50%-a hniam zawk la turin thutlukna a siam ta a ni. 

Scottish club neitunu Ann Budge chuan April 30 thleng inkhel a awm dawn loh avangin pound maktaduai khat vel an hloh tur thu a sawi a, club hnuaia hnathawkte chu an hlawh lak ṭhin ti hniam mai turin a ngen. 

Everton player langsar ni ṭhin Naismith chuan, "Kei leh ka chhungte chuan ka chunga football hnathawh ropui tak kan hre reng a, hun harsaa 50% a hlawh tih hniam mai kan ti tlu ta a ni. He thutlukna hian mi tam zawk chu an hna

chan loa a siam theih ka beisei a ni," a ti. 

Hearts neitu Budge chuan hlawh tih hniam lailawk an rawtna chhan hi club-a hnathawk tam zawkin an hna chan loa an thawh chhunzawm zel theih nana ti an nih thu a sawi a ni.