Champhai champion Minikins

Champhai District Basketball Association buatsaih Samsung St. Mary's Elite League chu Thawhlehni zan khan an khel zo a, Bethel Minikins BC an champion.

First division club inelna hi May 22 aṭangin ṭan a ni a, league round-ah Kahrawtians BC chu pakhatna an ni a. Amaherawhchu, league round-a chak vek Kahrawtians hi palina Vengthlang Fready's Memorial BC chuan semifinal-ah an hneh a. League round-a pahnihna leh semifinal-a Vengsang Boars BC hnehtu Minikins hna a awlsam sawt.

Final hi best of three-a khelh niin Minikins-in game 1-ah 60-69 in Fready's Memorial BC hi an hneh a, game 2-ah 73-60 a hneh leh bawkin 2-0 in series an la a, an champion. MVP-ah Minikins player C. Lalawmpuia (OP-a) chu thlan a ni. Champion team Minikins hian Rs 50,000 an dawng a, pahnihna Fready's Memorial BC hian Rs 20,000 an dawng ve bawk.