Fellaini-a'n coronavirus a kai

Manchester United midfielder hlui Marouane Fellaini chuan coronavirus natna a kai thu a sawi a, twitter lama he thu puangtu Fellaini chuan, "Inkhel tura ka lo kir leh thuai ka beisei," tiin êng taka a hma hun a thlir thu a sawi. 

Chinese club Shan-dong Luneng tana khel midfielder hi Chinese media lamin an tarlan dan chuan hri inkai chhawn theih enkawlna lama thiam bik Jinan damdawi inah enkawl a ni a, Chinese Super League-a khel player zinga he hri kai hmasa ber a ni. 

Kum 32 mi midfielder hian kum 2019 khan Manchester United aṭangin CSL hi a pan a, England-a season 11 hun a hman chhungin United leh Everton tan a khel hman. Belgium international khelhna Shandong Luneng chuan thuchhuah siamin, "Fellaini hian coronavirus a kai tih hmuhchhuah a ni a, damdawi in lamah uluk taka a enkawl hna kalpui mek a ni," an ti.