Tuchel-a'n nun thar min pe - Rudiger

Chelsea defender Antonio Rudiger chuan tun hma lamin mi hriat a hlawh ve vak ngai loh thu a sawi a, manager thar Thomas Tuchel kaihhruaina hnuaiah erawh a khelh dan phunga hma a sawn bakah mi ngaihven a nih ve tak thu a sawi.

Kum 28 mi Rudiger chuan, "Premier League-ah chuan tharum a ngai tam, a bik takin defender tan chuan hna pawh a hautak ṭhin. Tuchel a lo kal tirh khan ani pawhin a hrechiang, mahse ani chuan ka khelh dan phung nena inmil tura siamrem dan a thiam," a ti.

Germany interna-tional Rudiger hi season kal laiah Blues tan rinrawl a ni a, league match kua a khel tawh. Champions League-ah chuan match thum an khelh tawhah a inlan kim vek, zanina Malmo an lenchilh hunah pawh hmun pawimawh a chang ang.