Pakistan semifinal luh zan?

Zanin dar 7:30 hian Sheikh Zayed Stadium, Abu Dhabi-ah Pakistan-in Namibia an hmachhawn dawn. Shaheens hian match hmasa pathumah India, New Zealand leh Afghanistan te an hneh tawh a, Namibia an hneh leh a nih chuan group 2 aṭangin semifinal an lut ang.

Abu Dhabi-ah hian run siam a har a, chuvangin bat hnuhnung zawk tan chance a ṭhat dawn avangin ṭhumvawr a pawimawh ang. Namibia hian Super 12-ah Scotland an hneh tawh a, chutihrualin Babar Azam kaihhruai Pakistan hneh tur chuan thilmak a thlen a ṭul ang.

Tlai dar 3:30-ah South Africa leh Bangladesh te an inkhel dawn. Group 1-ah England dinhmun a ṭha a, Proteas tan Three Lions hnung zui turin chak a ṭul. Tigers erawhin chak an la nei lo a, an player pawimawh all rounder Shakib Al Hasan chu malpui hliam vangin a la inlan thei dawn lo.