Vawiinah SVV 2021 Football C'ship final

Assam Rifles buatsaih SVV 2021 Football Championship-ah Mizoram team pahnihin Red leh Yellow team ten tukin zing dar 8:00 hian Lammualah nomawi an inchuh ang.

Inelna hi Santosh Trophy tura inpuahchah mek Mizoram team-in inbuatsaih ṭha zawk an neih theih nana siam a ni a, Mizoram team-a player 30 la awm mekte chu team hnih Red leh Yellow-a ṭhenhran an ni.

SVV 2021 Football C'ship-ah hian Mizoram team pahnih bakah Tata Trusts COE leh Bawngkawn GSA te an tel a, October 28, Ningani khan semifinal khelh niin Red leh Yellow team ten hnehna an chang.

October 31, Inrinni khan RG Stadium-ah Mizoram team hian I League khel tura inpuahchah mek Aizawl FC nen friendly match an khel a, 2-2 in an inhnehtawk.

Thlirna Tawi
Semifinal - October 28, Ningani
Mizoram Yellow 7 - 2 Bawngkawn GSA
MZY : Lalfakzuala 25', 65', 80'; Lalhriatpuia 14', 85'; David Lalchhunawma 20'; MS Dawngliana 73' (P)
BAW : Joseph 38'; Lalremruata 48' (P)

Mizoram Red 3 - 1 Tata Trusts COE
MZR : Lalrinchhana Tochhong 27'; Lalrinzuala Hauhnar 37'; Vanlalthanga 66'
COE : Linky 49'

Final - Vawiin Inkhel Tur
Mizoram Yellow 8:00 AM Mizoram Red