Halep hnehin Kontaveit a champion

Transylvania Open khelh zawh takah Anett Kontaveit chuan tualchhung nula Simona Halep chu 6-2, 6-3 a hnehin nomawi a chawi a, season tawpa a thiam pariat khelh tur WTA Finals atan a dinhmun a tichiang nghal bawk.

Pathianni zana final khelhah Kontaveit hi a tir aṭanga a tawp thlengin khel ṭha zawk a ni a, tun season bika a nomawi palina hlawh chhuak tur hian harsatna lian tham a tawk lo - tun kara ranking chhuak tharah chuan pariatna a ni ang.

Kum 25 mi Kontaveit chuan, "Hetiang taka ṭha hian ka khel chhuak tam lo, tennis ka khelh ve tawh china ka khelh ṭhat ber ṭum zinga mi a ni," a ti. Tun hnai a match khelh hnuhnung 28 zinga 26 zetah hnehna a chang thei a ni.