Rangers-in goal ruk an khung!

Scottish Premiership-ah Rangers-in hma an hruai chhun-zawm zel - Pathianni zan khan mikhual tlangnel zia an chhuah a, Motherwell khelmualah 6-1 ngawtin an chak.

Motherwell tan Bevis Mugabi chuan minute 13-na lekah goal hmahruai khung mah se Rangers chhaih kawlhna goal lek an chang zo a, Steven Gerrard-a team hian goal rukin an chhanglet.

Rangers tan Fashion Sakala chuan hattrick a siam a, captain James Tavernier, Glen Kamara leh Kemar Roofe ten goal khat ṭheuh an khung bawk - Rangers an chak chiang hle.

Motherwell captain Stephen O'Donnell chu minute 67-maah a yellow card pahnihna avangin hnawhchhuah a ni a, mahse, hetihlai hian 3-1 a an hnufual tawh avangin chhuanlam atana hman a rem lo.

Rangers hian tun season-a league match 12 khelh tawh aṭangin point 27 an nei mek a, anmahni hnaih bertu Celtic chuan khelh zat inangah point 23 an nei mek.