Nishikori tan season a tawp

Japan tlangval tennis khel thiam Kei Nishikori chu tun season chhungin a inkhel thei tawh dawn lo. Hnungzâng na vanga chawl mek Nishikori hian a hliam vanga a inkhelh theih rih loh tur thu hi a puang.

Kum 31 mi Nishikori hi thla hmasa khan Indian Wells-ah a inlan, second round lekah Dan Evans hneh loin a tla - a hnu lamah erawh a la inkhel leh lo, season thar tir atan pawh a dinhmun a chiang ta lo.

US Open final pawh khel tawh Nishikori chuan, "Season tirah khan hliam ka nei a, rei tak ka chawlh hnuah ka lo kir. Ṭha takin inkhel ve leh thei mah ila rei a daih thei si lo, ka tan chuan kumin hi a rei hle," tiin a sawi.