Magpies-in coach thar nei hnai

Newcastle United chuan manager Steve Bruce thlakna tur an la zawng zel a, rilru an siamfel tawhah a ngaih theih. Magpies duh ber chu Arsenal manager hlui Unai Emery a ni a, an la thei lo a nih chuan Bournemouth manager hlui Eddie Howe an dawr ang.

Kum 49 mi Emery hian Villarreal a enkawl mek a, season liam ta khan Europa League nomawi lakpuiin final-ah Manchester United an hneh. Premier League club hian Emery an la dawn a nih chuan Villarreal hnenah zângnadawmna euro maktaduai 6 an pek a ṭul dawn.

Spanish manager hian Yellow Submarine-ah hian kum 2023 thleng contract a nei a, tunah hian Newcastle nen indawr mekin inremna an la nei lo.