Taipei tan hming ṭhat hun

Hero Intercontinental Cup league match hnuhnung ber chu zanin dar 8:00 hian Kenya leh Chinese Taipei ten an khel dawn a, Taipei-in beisei tur an neih tawh loh avangin mualpho lutuk loa haw chu an khelh chhan tur a ni ang.

English coach Gary White enkawlna hnuaia khel Taipei hian an match hmasa berah India chu 5-0 ngawtin an ngam lo a, match hnihnaah hmasawnna hmuh tur awm mah se New Zealand chu 1-0 in an ngam lo zui.

FIFA ranking-a 121-na team hi vawi hnih an tlawm tawh avangin final an lut thei lo a, Kenya-in beiseina an la nei thung. Kenya hian an match hmasa berah New Zealand chu 2-1 in an hneh a, All Whites hian nizan khan India an inkhelhpui thung.

Nizan inkhel result hi Kenya dinhmun hril tur pakhat a ni a, he thu buatsaih lai hian result kan hre hman lo.