Mayweather a hausa ber

Forbes chuan khawvela infiammi sum lalut hnem ber 2018 an ti chhuak a, US boxer Floyd Mayweather chu sum lalut hnem ber niin June 1, 2017–June 1, 2018 inkarah dollar maktaduai 285 a lalut.

Mayweather sum lakluh tam chhan hi Conor McGregor nena an inhnek vang kha a ni a, Irish fighter nena an inhmachhawn avanga a sum lakluh ringawt hi dollar maktaduai 275 niin sponsorship aṭangin dollar maktaduai 10 a lalut bawk.

Lionel Messi chuan pahnihna aṭanga Cristiano Ronaldo pet chhuakin dollar maktaduai 111 a lalut a, Portuguese forward hi pathumnaah awmzuiin dollar maktaduai 108 a lalut thung.

India cricket captain Virat Kohli chu 83-na a ni a, dollar maktaduai 24 a lalut. Kohli hian hlawh aṭangin dollar maktaduai li chiah a lalut a, a bak 20 hi fakna leh thil dang aṭanga a lakluh a ni.