Pakistan Test captain Babar Azam

Pakistan limited-overs captain Babar Azam chu Test captain tura ruat a ni a, kum 26 mi batsman hian Azhar Ali a thlak ang. Babar hi inelna chi thum T20, ODI leh Test-ah captain a ni vek dawn tihna a ni.

Babar chuan, "Test captain ka ni thei hi ka lawm hle. Pakistan player langsar tak tak hnung ka zui thei tur hi ka inchhuang hle," tiin a sawi.

Pakistan hian December thlaah New Zealand nen match hnih awmna Test series an khel ang. Pakistan hian tun hnaiah Zimbabwe chu T20-ah 3-0 in an hneh a, match hnuhnung ber hi Thawhlehni khan khelh niin wicket riatin hnehna an chang.