Khel Ratna dawng tur Chhetri

India infiammite chawimawina sang ber Major Dhyan Chand Khel Ratna Award dawng tur zingah Sunil Chhetri hming puan tel a ni a, footballer zinga he chawimawina dawng hmasa ber a ni dawn.

Khel Ratna dawng tur hian Chhetri bakah infiammi dang 11 hming chhawpchhuah a ni a, Olympic-a javelin throw-a India tana gold latu Neeraj Chopra, Olympic silver-medallist wrestler Ravi Dahiya, Olympic bronze-medallist boxer Lovlina Borgohain leh Olympic-a bronze medal latu Indian men's hockey team captain Manpreet Singh te chu langsar zual an ni.

Khel Ratna hi November 13 khian Rashtrapati Bhavan-ah semchhuah a ni dawn a, hei bakah hian coach ṭha chawimawina Dronacharya awards leh infiammite chawimawina tho Arjuna award pawh semchhuah nghal a ni ang.

India rama infiammite chawimawina sang ber Khel Ratna hian medal leh certificate bakah Rs. 25,00,000 (nuai 25) sum faiin a keng tel a ni.

Indian footballer ropui ber ang hiala tam takin an ngaih Chhetri hian Arjuna Award (2011) leh Padma Shri (2019) chawimawina pawh a lo dawng tawh a, AIFF Player of the Year-ah ṭum ruk thlan a ni tawh bawk.

Bengaluru striker hian India tan vawi 125 inlanah goal 80 a khung thei a, ram tana la inkhel mek player zingah Cristiano Ronaldo (115 goals) chiah chu ram tana goal khung hnem lama a phak loh a ni.

Major Dhyan Chand Khel Ratna Awards
Neeraj Chopra (Athletics), Ravi Kumar(Wrestling), Lovlina Borgohain (Boxing), P.R Sreejesh (Hockey), Avani Lekhara (Para Shooting), Sumit Antil (Para Athletics), Pramod Bhagat (Para Badminton), Krishna Nagar (Para Badminton), Manish Narwal (Para Shooting), Mithali Raj (Cricket), Sunil Chhetri (Football), Manpreet Singh (Hockey).

Arjuna Awards
Arpinder Singh (Athletics), Simranjit Kaur (Boxing), Shikhar Dhawan (Cricket), CA Bhavani Devi (Fencing), Monika (Hockey), Vandana Katariya (Hockey), Sandeep Narwal (Kabaddi), Himani Uttam Parab (Mallakhamb), Abhishek Verma (Shooting), Ankita Raina (Tennis), Deepak Punia (Wrestling), Dilpreet Singh (Hockey), Harman Preet Singh (Hockey), Rupinder Pal Singh (Hockey), Surender Kumar (Hockey), Amit Rohidas (Hockey), Birendra Lakra (Hockey), Sumit (Hockey), Nilakanta Sharma (Hockey), Hardik Singh (Hockey), Vivek Sagar Prasad (Hockey), Gurjant Singh (Hockey), Mandeep Singh (Hockey), Shamsher Singh (Hockey), Lalit Kumar Upadhyay (Hockey), Varun Kumar (Hockey), Simranjeet Singh (Hockey), Yogesh Kathuniya (Para Athletics) Nishad Kumar (Para Athletics), Praveen Kumar(Para Athletics), Suhash Yathiraj (Para Badminton) Singhraj Adhana (Para Shooting), Bhavina Patel (Para Table Tennis), Harvinder Singh (Para Archery), Sharad Kumar (Para Athletics).

Dronacharya Awards (Lifetime)
T. P. Ouseph (Athletics), Sarkar Talwar (Cricket), Sarpal Singh (Hockey), Ashan Kumar (Kabaddi), Tapan Kumar Panigrahi (Swimming).

Dronacharya Awards (Regular)
Radhakrishnan Nair P (Athletics), Sandhya Gurung (Boxing), Pritam Siwach (Hockey), Jai Prakash Nautiyal (Para Shooting), Subramanian Raman (Table Tennis).

Rashtriya Khel Protsahan Puruskar (Sports Promotion Award)
Manav Rachna Educational Institution & Indian Oil Corporation Limited

Maulana Abul Kalam Azad (MAKA) Trophy
Panjab University, Chandigarh.