James hoin Lakers an chak

Dinhmun hniam zawka an din hnuah Los Angeles Lakers chuan Houston Rockets chu 119-117 in an lehthal. Lakers hian NBA regular season kal laiah vawi nga hnehna an chang tling ta a, ṭum thum erawh an tlawm tawh thung.

LeBron James hliam a dam tawh a. American star hian a damzia nemngheh nan point 30 a neih bakah assist ṭum 10 a nei bawk. Anthony Davis leh Russell Westbrook ten point 27 ve ve an nei bawk, anni pathum point neih zat belhkhawm hi point 84 a tling.

Nimin zing inkhel dangah champion lai Milwaukee Bucks chuan Detroit Pistons lakah 117-89 in hnehna an chang a, an thiampuipa Giannis Antetokounmpo chuan point 28 a neih bakah assist vawi kua a nei bawk.

NBA Results
Phoenix Suns 112 - 100 New Orleans Pelicans
Miami Heat 125 - 110 Dallas Mavericks
Utah Jazz 119 - 113 Sacramento Kings
Milwaukee Bucks 117 - 89 Detroit Pistons