Kohli match thum a awl dawn

India captain Virat Kohli chuan December thlaa Australia nen Test match vawi li an khelh turah fa an neih dawn avangin a hmasa pathum a khel dawn lo.

Kohli hi a nupui Anushka Sharma-i'n January hian fa a neihsak dawn. Kum 32 mi Kohli hi tun dinhmuna khawvela batsman ṭha ber zinga mi a ni a, Test match hmasa ber zawhah Australia aṭangin a haw ang.

Test match hmasa ber hi December 17-ah khelh a ni dawn a, Australia aṭanga haw reng reng hi khung hran tur an nih avangin Kohli tan India team hi zawm leh a beiseiawm tawh lo a ni.

Kohli awm loh chhung hian vice captain Ajinkya Rahane chuan captain hna hi a chelh dawn a ni.