Algarev-ah Marquez tlan dawn lo

MotoGP vawi ruk champion tawh Marc Marquez chuan training-na lamah hliam a tuar a, tunkar tawpa tlan tur Algarve Grand Prix-ah a inlan thei dawn lo tih a team Repsol Honda chuan an puang.

Marquez hian hliam vangin season bul a ṭan lo, a hliam dam hnuah erawh hma a sawn leh tawh hle. Tun hnaiah Austin leh Misano-ah pawh hnehna a chang thei, a boruak ṭhat lai tak ni mah se a chawlh leh rih a ngai dawn.

Bike intlansiakna sang ber season kal laiah Yamaha rider Fabio Quartararo chu a champion chiang tawh a, tun dinhmunah Marquez hi parukna a ni mek - rider dang tan chuan dinhmun tih san bak beisei tur dang a awm tawh lo.

Honda chuan thu chhuah siamin, "Training-na lama hliam a tawh hnuah hun eng emaw chen inah chawlh a hmang. Doctor ten a dinhnun an enfiah leh a, rei vak lo chu chawlh a la mamawh.

"A taksa dinhmun thlirin tunkar tawpa tlan tur Algarev Grand Prix-ah chuan Marc Marquez hi a inlan ve thei lo ang," tiin a sawi a, tun season-ah beisei nei tawh lo mah se kum tharah ṭha zawka lo kir leh an tum ang.