England squad-ah Sancho tan hmun a awm lo

November interna-tional break atan England boss Gareth Southgate chuan squad a puang a, Manchester United player Jadon Sancho leh Jesse Lingard tan squad-ah hmun a awm lo.

Three Lions hian World Cup qualifier an khel dawn a, November 12-ah Albania mikhualin November 15 zanah San Marino an lenchilh leh bawk ang - match hnih aṭang hian point li an hmuh chuan World Cup 2022 khel turin an tling dawn a ni.

Liverpool right back Trent Alexander-Arnold chu squad-ah telh a ni a, Three Lions tan a inlan a nih chuan September 5 hnua England tana a inlan hmasak ber tur a ni ang.

Manchester United forward Marcus Rashford leh Borussia Dortmund rawlthar duhawm Jude Bellingham te pawh squad-ah koh an ni a, England tan inlanna chance duhawm an nei ve leh ta.

Euro 2020 final-a Italy an ngam loh hnuah hliam vangin Rashford hi ram tan a inlan leh lawk lo a, October 16 khan club football-ah chuan lo kir leh tawhin match ngaah goal thum a khung leh der tawh.

Kum 18 mi Bellingham pawh thla hmasaa World Cup qualifier-ah khan koh zingah a tel lo a, tunah erawh ram tana hming chher turin hun ṭha pek a ni leh ta.

Manchester United tan a khel ṭha lo chungin Harry Maguire chu squad-ah telh a ni a, Premier League match kuaa goal khat chiah khungtu Harry Kane pawh Southgate-a'n a chungah a duhsakna a lantir chhunzawm zel.

Hetihlai hian Atletico Madrid defender Kieran Trippier, AC Milan centre back Fikayo Tomori leh Aston Villa striker Ollie Watkins te tan hmun a awm lo.

England Squad
Goalkeepers: Sam Johnstone (West Brom), Jordan Pickford (Everton), Aaron Ramsdale (Arsenal)
Defenders: Trent Alexander-Arnold (Liverpool), Ben Chilwell (Chelsea), Conor Coady (Wolves), Reece James (Chelsea), Harry Maguire (Manchester United), Tyrone Mings (Aston Villa), Luke Shaw (Manchester United), John Stones (Manchester City), Kyle Walker (Manchester City)
Midfielders: Jude Bellingham (Borussia Dortmund), Jordan Henderson (Liverpool), Mason Mount (Chelsea), Kalvin Phillips (Leeds), Declan Rice (West Ham), James Ward-Prowse (Southampton)
Forwards: Tammy Abraham (Roma), Phil Foden (Manchester City), Jack Grealish (Manchester City), Harry Kane (Tottenham), Bukayo Saka (Arsenal), Marcus Rashford (Manchester United), Raheem Sterling (Manchester City)