A vawi nga nan Lakers an tlawm

Los Angeles Lakers an la che fuh tluang thei lo. Lakers hi nimin zing khan Portland Trail Blazers lakah 105-90 in an tlawm a, NBA regular season kal laiah vawi nga zet an tlawm ta.

Lakers tan LeBron James chu hliam vangin a la inlan thei lo, player ṭha dang Anthony Davis pawh minute sarih chhung chauh a inlan, pum na vangin Davis hi a khel chhunzawm thei lo - point hnih chauh a nei hman.

Season hmasa lama regular season hmang ṭha tak Utah Jazz an kaltuang leh tawh viau, mahse Jazz hi Miami Heat lakah 118-115 in an chak lo - kuminah ṭum sarih chak tawh mah se vawi hnih an tlawm ve tawh a, inring renga awm an ngai tih an hre nawn ang.

Nimin zinga basketball inelna sang ber inkhel dangah - Phoenix Suns, Philadelphia 76ers leh Denver Nuggets te pawhin hnehna an chang ve bawk.

NBA Results
Portland Trail Blazers 105 - 90 Los Angeles Lakers
Phoenix Suns 121 - 117 Atlanta Hawks
Dallas Mavericks 107 - 104 Boston Celtics
Chicago Bulls 105 - 114 Philadelphia 76ers
Miami Heat 118 - 115 Utah Jazz
Denver Nuggets 95 - 94 Houston Rockets