World Cup khel tur zinga naupang berin a pet goal

FIFA World Cup khel turin hming 736 an inziak lut a, chung zinga naupang ber chu January 4, 1999-a piang Daniel Arzani a ni.

Australian forward Arzani hian Inrinni zan khan Socceroos tan minute 73-naah inlanin minute khat pawh tling loah a pet goal nghal a, Budapest-ah Australia-in 2-1 in Hungary an hneh.

Melbourne City forward hian tun ṭum hi ram tana a vawi hnih inlanna chauh a ni a, goal a khung zawh hnu hian goal hnih dang hi lutin own goal ve ve a ni.

Australia defender Trent Sainsbury-a'n minute 88-naah an lamah a tilut a, injury time-ah Hungary defender Tamas Kadar chuan an lamah tilut ve bawkin mikhual Socceroos an chak.