UFC 225 roreltu Whittaker

UFC middleweight world champion Robert Whittaker chuan Yoel Romero chu split-decision (48-47, 47-48, 48-47) hmangin a hneh.

Fighter pahnih inhmachhawn tur hi title fight tura ruahman ni mah se Zirtawpni khan fighter pahnih an inbuk a, Romero hi middleweight aia a lo rih hret avangin title fight ni loin an inhmachhawn ta zawk a ni.

WWE superstar hlui CM Punk-a'n UFC-a fight a hmachhawn vawi hnihnaah hnehna chan inbeisei mah se Mike Jackson lakah unanimous decision hmangin (30-26, 30-26, 30-26) a tlawm.

Hetihlai hian UFC women’s bantamweight champion hlui Ronda Rousey chu UFC Hall of Fame-ah lakluh a nih tur thu puan a ni bawk a, WWE lama pem ta Rousey hi UFC Hall of Fame-a hmeichhe tel hmasa ber a ni ang.

UFC president Dana White chuan, "Ronda Rousey awm lo se chu UFC-ah hian hmeichhia an awm kher lo ang," tiin American fighter hnathawh ropui a sawi.