Tyson Fury a chak nuamsa

Thla 32 zet boxing ring chhunga a inlan tawh loh hnuah Tyson Fury a lo kir leh ta a, British boxer rothap hian a khingpui Sefer Seferi chu awlsam zetin a hneh. Manchester Arena-a inhnekah Seferi hi round linaah a inhnukdawk a ni.

WBA, IBF leh WBO title kawl tura Wladimir Klitschko a hneh hnu ni 924-naa inlan Fury chuan, "Ka inhnek leh hunah chuan tun ai hian ka ṭha zawk ang a, round tam zawk khelin boxer ṭha zawk ka hmachhawn ang," a ti.

Kum 29 mi Fury hian 2018 tawp hmaa title fight neih a duh thu a sawi a, WBC world heavyweight champion Deontay Wilder leh IBF, WBA &WBO champion Anthony Joshua hmachhawn a duh thu a sawi bawk.