Lanzini hmunruakah Perez ko

Manuel Lanzini in­hliam hnuah Argentina chuan West Ham mid­fielder hmun ruak luahtu tur hi an puang nghal a, River Plate mid­fielder Enzo Perez an ko.

Kum 25 mi Lanzini hian training-naah a khupah hliam a tuar a, a hliam hi endik a nih hnuah Russia a pan theih loh tur thu tihchian a nih tak avangin Lanzini lungngaihna hi Perez lawmah a tla ta a ni.

Enzo Perez hi kum 32 mi niin tawnhriat a ngah tawh a, Argentina tan match 23 khelin goal khat a khung sak tawh. Kum 2014 World Cup-ah pawh khan Argentina team-ah a tel tawh a, final-a Germany nen an inkhelah khan bul a ṭan.

Season hman zawh takah khan Argentine club ṭha River Plate tan in­lanin inelna hrang hrang­ah match 33 a khelh sak a, kuminah ram tan la inlan lo mah se 2017 khan match nga a khel bawk.

Enzo hian Argentine club ṭha Estudiantes, Por­tuguese club Benfica leh Spa­nish La Liga club Valen­cia tan pawh a khel tawh a, Benfica tan a khelh lai hian 2013-14 season khan Primeira Liga Player of the Year-ah thlan a lo ni tawh.