Senegal ngamin Croatia an chak

Croatia-in World Cup-a an khingpuite tan 'war­ning' an pe lawk a, team ṭha Senegal chu 2-1 in an hneh.

Team ṭha pahnih inkhela goal khung hmasa zawktu erawh Senegal an ni a, Ismaila Sarr chuan minute 48-na lekah goal hmahruai a khung.

Kum 20 mi striker goal khung hi Croatia-in rei tak an chhanglet thei lo a, mahse second half hnuah player nei ṭha zawk an nihna a lang.

Inter Milan winger Ivan Perisic chuan mi­nute 63-naah an si phurh sutna goal a khung a, Hoffenheim forward Andrej Kramaric chuan minute 78-naah chakna goal a khung ve leh bawk.

Luka Modric captain-na hnuaia khel tur Croatia hian June 16 zanah Nige­ria nen an match hmasa ber an khel dawn a, Argen­tina leh Iceland an hmachhawn chhunzawm ang.

Sadio Mane hoa khel tur Senegal hi Group H-ah an awm thung a, zanin dar 6:30 hian South Korea nen friendly match an khel leh ang. June 18 zanah Poland nen Russia-a an match hmasa ber an khel ang a, Japan leh Colombia an hmachhawn dawn bawk - last 16 luh chance a sang hle.