Terence ngamtu an la awm lo

Vawi 33 inhnek a hmachhawn tawha la tlawm lo Terence Craw­ford-a'n a record duhawm a chhawm nung zel a, WBO wel­terweight title hlawh chhuak turin Jeff Horn chu technical knockout hmangin a hneh.

Horn hian nikum July khan Manny Pacquiao leh khawvel barakhaihin Pacman a hneh a, WBO welterweight champion a ni. Mahse, a title humhim tura vawi hnih a inhneknaah a kawnghren a hloh lehnghal a, Filipino boxer a hneh dana a 'fair tawk lo' tia sawitute an lawm khawp ang.

Crawford-a'n Jeff a hneh avangin vawi 33 inhnek a hma­chhawnah a la chak vek a, heng zinga vawi 24-ah a khingpui a knockout - Jeff hneh tur pawh hian round kua thleng bak khelh a mamawh lo a, technical knockout hmangin chak zawkah puan a ni.