Denmark tan Eriksen a inlar

World Cup khel tur Denmark leh Mexico inkhelah mualneitu Denmark an chungnung zawk a, Christian Eriksen goal khung zanah 2-0 in hnehna an chang.

Tottenham playmaker hian minute 74-naah an goal hnihna a khung a, chak nemnghehna goal a khung hma hian RB Leipzig forward Yussuf Poulsen khung tur a siam sak bawk.

Eriksen hian Denmark tan World Cup qualifier-ah match riat khelin goal 11 a khung a, Russia-ah player en bik zingah a tel ang. Denmark hi Group C-ah France, Australia leh Peru nen an awmho a, June 16 zanah Peru nen hian an match hmasa ber an khel ang.

Mexico hi Germany, Sweden leh South Korea nen an awmho dawn thung a, June 17 zanah Germany nen match hmasa ber an khel ang - kawng a awlsam dawn lo.