Vawiin aṭangin MFA Futsal registration

Mizoram Football Association chuan vawiin aṭangin futsal club-te leh player-te inziah luh hun a hawng dawn ta.

MFA hnuaiah hian division pahnih a awm a, a sang zawk chu MFA Futsal League niin a hniam zawk chu Division One a ni. Division One-ah hian a duh apiang inziah luh theih a ni ang. MFA Office, City Park-ah registration form hi lak chhuah theih a ni ang.

Division One a inhawng
Vawiin aṭanga June 29 thleng Division One-ah team a inziah luh theih a, a duh apiang tan hawn a ni. Season hmasaa inziak lut tawh pawhin a thara club affiliation leh registration tihthar vek a ngai ang.

Club inziah luh man affiliation fee hi Rs 500 a ni a, player hi 14-20 ziah luh theih an ni a, player pakhat tan registration fee Rs 50 pek a ngai ang.

Division One tan hian season hmasa khan tournament pali buatsaih a ni a, tun season tharah hian tournament tam zawk buatsaih tum a ni - club din thar duh tan pawh din thar theih reng a ni a, June 29 hmaa tihfel a ngaithung ang.

Futsal League khel tur
MFA hnuaiah hian Futsal League khel tur club 16 an awm sa - nikum lama club 14 Armed Veng South, Bawngkawn, Bungkawn, Chanmari, Chhinga Veng, Dawrpui, Dinthar, Durtlang, Electric Veng, Laipuitlang, Ramhlun South, Ramhlun Venglai, Ramthar, Saron Veng-te chu tling sa an ni.

Anni bakah hian IDBI Capital, Tuikual North leh Zonuam-te MFA Futsal League khel tur hian an inpet tling. Player ziah luh hun hi June 13-29 chhung ve tho a ni ang. Nakkum January-March chhungin MFA Futsal League hi khelh a ni dawn a, he mi hma hian tournament hrang hrang khelh a ni bawk ang.