India leh Afghanistan inkhel dawn

Vawiin chawhma dar 9:30 hian India chuan Afghanistan nen test match an khel dawn a, team pahnih hian test match khat bak an khelh chhunzawm lo ang.

Captain Virat Kohli awm loh hlanin Ajinkya Rahane chuan India captain dinhmun a chelh lailawk dawn a, kum 30 mi batsman chuan, "Afghanistan hi awlsam taka hneh tura kan inngai a nih chuan kan tisual ang," tiin an theihna zawng zawng nena khel a ṭhiante a beisei.

Men in Blue hian Afghanistan an hma­chhawn zawhah June 27 khian Ireland chu Twenty20 match-ah an hmachhawn leh ang a, he series hi match hnih chiah khelh tur a ni thung.

India squad

Ajinkya Rahane (capt), Shikhar Dha­wan, Murali Vijay, KL Rahul, Cheteshwar Pu­jara, Karun Nair, Wrid­dhiman Saha (wk), Ravichandran Ashwin, Ravindra Jade­ja, Kuldeep Yadav, Umesh Yadav, Mohammed Shami, Hardik Pandya, Ishant Sharma, Shardul Thakur.