Huddersfield-in Sobhi an lalut

Premier League aṭanga tla hlim Stoke City-in an player ṭha an chan chhunzawm zel a, Egyp­tian winger Ramadan Sobhi chuan season thar aṭanga Championship club ni tur hi chhuahsanin Huddersfield Town a zawm.

Huddersfield hian kum 21 mi winger man atan hian pound makta­duai 5.7 an inseng a, kum thum chhung an hnena khel turin contract an ziahpui. Sohbi hian July 2016 khan Al Ahly aṭangin Stoke a pan a, league match 41 a inlan sakah goal hnih a khung. Egypt tana World Cup khel turin Russia-ah a awm mek.

Town boss David Wag­ner chuan, "Ramadan kan lalut thei hi ka lawm takzet a, talent nei ṭha tak a nih avangin a kum zat ngaihtuah chuan tawnhriat a ngah tawh em em a ni. Huddersfield-ah hlawhtlinna tam tak a chhar theih nana thawhpui hlan kan nghakhlel tawh takzet a ni," tiin a player thara chungchang a sawi.

Terriers (Huddersfield sawina) hian Sobhi hma hian goalkeeper Ben Hamer chu free transfer-in an lalut tawh a, loan-a an chhawr lai Monaco defender Terence Kongolo chu an club player manto ber ni turin a nghetin an lalut tawh bawk.