India nulate an chak lo

India nula hockey khel thiam ten Spain-ah tour an nei mek a, match nga an khelh tur zinga a hmasa ber chu nimin khan khelin an mikhualna ramah 3-0 in an tlawm nghal.

Consejo Superior de Deportes Hockey Stadium-a inkhelah Spain tan Lola Riera (48', 52') leh Berta Bonastre (6') ten goal an khung a, Mizo nula Lalremsiami telna India team lamin a chhanletna an nei lo.

India tan captain Rani Rampal chuan si phurh sut ṭhen theihna hun ṭha nei mah se goal zawnah a vaw fuh thei lo a, penalty cor­ner aṭanga an hun ṭha neih pawh goalkeeper Savita-i'n a dan sak hlauh bawk.

World number 10 India nulate hian match li dang an khel leh dawn a, tuna tour an neih hi inelna lian ni lo mah se Hockey Women's World Cup atana inbuatsaihna a nih avangin a pawimawh hle.