Mipuiin Messi an lawm

Ṭhenkhatin Lionel Messi hmaikawr an vuah a, a ṭhenin Barcelona jeysey hain Argentina flag keng pawh an tam hle. Heng fans tam tak fuan khawmte hi Messi-a training lai en tuma pungkhawm an ni.

World champion vawi hnih ni tawh Argentina hian Thawhlehni khan Moscow chhim chhak lama awm Bronnitsy-ah training an nei a, inbuatsaihna an neih zawh hian Messi chu kalsawn hleithei lo khawpa bawr buai a ni. Naupang rual chu 'Messi, Messi' tiin an au rual a, Ballon d'Or vawi nga dawng tawh hi a autograph neih tumin an chim buai hle.

Jorge Sampaoli naute hi Group D-ah Iceland, Croatia leh Nigeria te nen an awmkhawm a, an group hi hriatthiam harsa tak tur an ni ang. South American ram hian an match hmasa ber atan Inrinni zanah World Cup khel zinga ram te ber Iceland an hmachhawn dawn a ni.