Ole tan ban mai a fuh ang - Ferdinand

Manchester United defender hlui Rio Ferdinand chuan tun hnai khan Ole Gunnar Solskjaer chungchang a sawi a, a nihna takah chuan Ole tan banna thehluh mai chu a fuh zawka a rin thu a sawi.

Liverpool leh Man-chester City laka an mualpho avangin Solskjaer chungchang hian sawi zui a hlawh. Fans tam zawk chuan an manager hi ban mai an duh tawh niin a lang, mahse club thuneitu lam atang erawh chuan bantir tumna a la awm lem lo.

England defender hlui Ferdinand chuan, "Man United inkhel hi kar tin ka en ziah a, tum mumal leh hmatlir awm lo niah ka ngai. Player inlante hi Man United player niha an inhre lo emaw tih mai tur a ni hial.

"Nipui bazara thil thlen dan kha chuan min ti phurin beiseina pawh a sang, mahse kan thlen chin chu hei hi a ni. Tlang taka sawi chuan manager tan chuan ban mai a fuh zawk ka ring," tiin Man United manager laka rinna a nghah ngam tawh loh thu a sawi.

Man United hian Premier League match an khelh hnuhnung paruk aṭangin point li chiah an hmu, table-ah parukna niin hmahruaitu Chelsea an phak lohna chu point kua lai a ni tawh a, insiamṭhat an mamawh takzet.