Clips tan Paul George

Paul George-a'n point 24 a nei a, rebound vawi kua a lak bakah assist vawi sarih a nei bawk. George bakah Reggie Jackson chuan point 23 a neih bawk avangin Los Angeles Clippers an chak zel, tun hnaia match nga an chakna ni turin Clippers hian Portland Trail Blazers chu 117-109 in an hneh.

October 29 khan Clippers hi Portlans Trail Blazers lakah an chak lo, a hnu lamah erawh dan theih loh ang maiin an kaltluang - a zawna match nga chak theih hi thil awlsam a ni lo, chhawm nun zel pawh an tum ang.

Inkhel dangah Giannis Antetokounmpo a inlar leh a, Greek tlangval hian point 31 a neih bakah rebound vawi 16 la bawkin Milwaukee Bucks chu Philadelphia 76ers lakah 118-109 in hnehna a chanpui. NBA champion Bucks hi vawi nga an chakna niin, ṭum ruk an tlawm tawh thung.

November 10, Nilaini
Los Angeles Clippers 117 - 109 Portland Trail Blazers
Utah Jazz 110 - 98 Atlanta Hawks
Philadelphia 76ers 109 - 118 Milwaukee Bucks