Covid-19 vangin Germany buai

World Cup qualifier khel tur Germany squad zingah Covid-19 positive pakhat a awm a, positive hnaihtu player pali dangte chu khung hran an ni. German Football Association (DFB) hian positive hming an tarlang lo a, chutihrualin positive hian vaccine a lak thu leh symptoms a neih loh thu an sawi.

Germany hi World Cup khel turin an tling tawh a, zanin dar 1:15 hian Volkswagen Arena-ah Liechtenstein an mikhual ang. Covid-19 vanga khung hran player panga bakah Florian Wirtz leh Nico Schlotterbeck te inhliam vangin an tel thei lo. Hansi Flick chuan player pathum Ridle Baku, Maximilian Arnold leh Kevin Volland te a koh belh a ni.