Vawiinah Futsal Club C'ship semifinal

Hero Futsal Club Cham-pionship semifinal chu vawiin hian KD Jadhav Indoor Arena, Delhi-ah khelh a ni dawn. AIFF hnuaia futsal inelna lian tham hmasa berah hian Mohammedan leh Bengaluru FC ten vawiin tlai dar 5:00-ah semifinal hmasa zawk an khel ang a, zanin dar 7:30-ah Delhi Football Club leh Mangala Club te an inkhel leh ang.

Mohammedan hi Mizo club Chanmari Zothan awmna group-a chak vek chunga semifinal an lut an ni a, an khingpui tur Bengaluru FC-ah Mizo pathum Lalthangliana, Omega Vanlalhruaitluanga leh F. Lalremtluanga te an awm.

Delhi Football Club-ah hian Mizo panga Lalpekhlua, Isac Zomuanpuia, Lalrem-ruata, Jojo Zaihmingthanga leh Lalrosanga Hrahsel te an awm bawk. Mangala club leh Mohmamedan-ah Mizo an awm lo.

Semifinal - Vawiin Inkhel Tur
Mohammedan 5:00 PM Bengaluru FC
Delhi Football Club 7:30 PM Mangala Club