Cricket player a thi

President's Cup 2021-22 khelh laiah nimin khan vanduaina a thleng. Gorkha Rising player pawimawh Kailash Tudu-a chu Hunthar nen an inkhelh zawh hnuah a chau a, Sairang damdawi in panpui ni mah se a nunna chhan theih a ni lo.

Gorkha Rising lam aṭanga thu dawn danin, "Hunthar lakah hian opener a ni a, over ruk vel a bat zawh hnuah a out. Khelmual aṭanga a chhuah hnuah a chau a, a rang thei angin damdawi in panpui ni mah se doctor-ten a thih thu min hrilh, hriat theih chinah Covid-19 a kai lo," an ti.

Cricket Association of Mizoram (CAM) honorary secretary Mamon Majumdar chuan, "Chhiat kan tawh dan hian min barakhaih takzet a, ngaihtuahna hman thiam pawh a harsa hle. A chhungte nen kan inbe rawn ang, chumi hnuah hmalak zel dan tur a hriat ang.

"Cricket Association of Mizoram chuan a pawi kan ti takzet. A tan leh a chhungte tan tih theih kan neih ang chu kan ti ang," tiin Vanglaini hnenah pawi a tih thu a sawi.