President's Cup 2021 ; Pre Quarterfinal hriat kim dawn

Cricket Association of Mizoram (CAM) hnuaia inelna neih lai President's Cup 2021-22 chu an inthifim chho zel a, vawiin hian pre-quarterfinal khel tur team a hriat kim dawn. Suaka Cricket Ground, Sihhmuiah inkhel pahnih a awm leh ang.

Nimin khan inkhel pahnih awmin, Gorkha leh Hunthar te chuan an khingpui ve ve hnehin round sang zawk an inhlangkai a, chak lo Gorkha Rising leh Armed Veng South tan erawh an zinkawng a tawp nghal.

Inelna hi knockout hnanga neih a ni a, ruahman dan chuan November 22, Thawhṭanniah final khelh a ni ang.

Gorkha, Legends, Kulikawn, Chhinga Veng, Luangmual, Gladiators, Bawngkawn South, Hunthar, Tlangnuam, Chanmarians, Zarkawt Lords, Ramhlun Venglai Junior, Armed Veng leh Zemabawk Pitchers te an tlang tawh.

Vawiin Inkhel Tur
Chanmari 09:00 AM Zotlang
Lily Veng 12:30 PM Ramhlun Venglai

November 11, Ningani
Gorkha (211/3) bt Armed Veng South (95/10)
Gorkha hi run 116-in an chak
Toss: Armed Veng South lamin vawm hmasak an thlang
PoM: Abhya, Gorkha

Hunthar (121/7) bt Gorkha Rising (42/10)
Hunthar hi run 79-in an chak
Toss: Gorkha Rising lamin vawm hmasak an thlang
PoM: Lalhruaitluanga, Hunthar