Lucy Bronze-in chawimawina a dawng

England leh Lyon defender Lucy Bronze chu BBC Women's Footballer of the Year 2020 a thlan a ni. Kum 28 mi Bronze hian chawimawina hi a vawi hnih dawnna a ni a, kum 2018 khan a dawng tawh bawk.

Netherlands leh Arsenal striker Vivianne Miedema chu pahnihna a ni a, pathumnaah Reign FC leh United States forward Megan Rapinoe a awm. Tun ṭum hi chawimawina kum ruk thlan a nih tawha vote tlak ṭhat ber ṭum a ni. Bronze chuan, "Chawimawina vawi hnih ka dawng thei hi ka lawm takzet. World Cup hnuah khan thil tam tak a inthlak a, nakkumah Euro khelh a ni dawn. England hmeichhe team tan chanchin ṭha zawk a awm thei ang," tiin a sawi a, England hi 2019 World Cup-ah khan semifinal lutin pathumna zawnnaah Sweden an hneh lo.

England star hian hmeichhe Champions League-ah Lyon champion pui mah se an ram nomawi chawipui ngei a duh. Bronze chuan, "World Cup vang khan a rilru a na a, mahse chona min siamtu a ni. Tunah chuan kan ram hi champion pui ngei ka duh a, Great Britain a ni emaw England emaw pawh ni se ka rilru put hmang a danglam lo. Kan ram nomawi chawipui theihna tur a nih chuan ka mimal lawmman zawng zawng hi ka thleng phal," tiin a sawi.

Women's Footballer of the Year

2015    Asisat Oshoala    Nigeria

2016    Kim Little    Scotland

2017    Ada Hegerberg    Norway

2018    Lucy Bronze    England

2019    Ada Hegerberg    Norway

2020    Lucy Bronze    England