Djokovic hmachhawn tur Tsitsipas

Pathianni zan aṭangin ATP Finals 2021 chu Turin khawpuiah khelh ṭan a ni dawn, world number 1 Novak Djokovic chu Green Group-ah awmin French Open final-a a hmachhawn Stefanos Tsitsipas nen an awmdun.

Serbian star Djokovic hian tun hmain ATP Finals nomawi hi vawi nga a chawi tawh a, record nei ṭha ber Roger Federer tluk turin vawi khat champion chauh a hmabak tawh, tun ṭumah hian nihrual ngei a tum ang.

Kuminah hian Roger Federer leh Rafael Nadal te an tel dawn lo, player ropui pahnih hi hliam vangin an season a tawp tawh. Kum an hman ṭhat loh avangin season tharah ranking hniam deuh tak aṭanga bul an ṭan a ngai dawn.

ATP Finals Group
Green Group: Novak Djokovic (SRB), Stefanos Tsitsipas (GRE), Andrey Rublev (RUS), Casper Ruud (NOR)

Red Group: Daniil Medvedev (RUS), Alexander Zverev (GER), Matteo Berrettini (ITA), Hubert Hurkacz (POL)