Vawi ruk chak zawn Clippers

Los Angeles Clippers chuan nimin zing khan Miami Heat 112-109 in an hneh. NBA regular season kal laiah Clippers an che fuh tluang a, tun hnai an match hnuhnung parukah hnehna an chang vek.

Clippers tan hian ni dang ang bawkin Paul George a hmuhnawm, ani hian point 27 a neih bakah Reggie Jackson chuan point 22 nei bawkin hnehna an chan theih nan an thawh hlawk leh hle.

Inkhel dangah Indiana Pacers chuan Utah Jazz lakah 111-100 in hnehna an chang, inkhel boruak a sang hle - quarter hnuhnung ber khelh laiin player pali ngawt hnawhchhuah an ni.

Pacers centre Myles Turner leh Rudy Gobert ten buaina an neih chu ṭhelh mah se, hremna an hmachhawn tho. A hnuah Donovan Mitchell leh Joe Ingles te pawhin hremna an hmachhawn ve bawk.