President's Cup 2021 ; A thiam zual 16 a hriat kim ta

Cricket Association of Mizoram (CAM) buatsaih President's Cup 2021-22 khelh laiah a thiam zual team 16 a hriat kim. Vawiin aṭang hian Suaka Cricket Ground, Sihhmuiah pre-quarterfinal hi khelh chhunzawm leh nghal a ni ang.

Nimin khan inkhel pahnih awmin, match hmasa zawkah Ramhlun Venglai chuan wicket riatin Chanmari an hneh. Inkhel hnuhnung zawkah Lily Veng chuan Zotlang an hneh ve bawk.

Knockout hmanga inelna neih laiah hian Ramhlun Venglai chuan senior leh junior team an la nei. RVL team pahnih bakah hian - Gorkha, Legends, Kulikawn, Chhinga Veng, Luangmual, Gladiators, Bawngkawn South, Hunthar, Tlangnuam, Chanmarians, Zarkawt Lords, Armed Veng, Zemabawk Pitchers leh Lily Veng te an tlang.