Chhetri hnenah Khel Ratna hlan a ni

India football captain Sunil Chhetri chu India rama infiammite chawimawina sang ber Major Dhyan Chand Khel Ratna Award hlan a ni a, Inrinnia he chawimawina semchhuahnaah hian Chhetri bakah infiammi 11 dang hnenah Khel Ratna hi hlan a ni.

Chhetri chuan, "Khel Ratna ka dawn chhan langsar tak chu kum 19 zet khelmuala hun ka hman tawh vang a ni a, hetiang dinhmun ka thlen theih nana min puitu masseur, physio leh doctor te hnenah lawmthu ka sawi a ni. Nangmahni vanga khelmuala hun hmang thei ka ni tih ka inhria," a ti.

Kum 37 mi Chhetri hian kum 2002 khan Mohun Bagan aṭangin a professional career a ṭan a, June 12, 2005 khan India tana a match hmasa ber khelin Pakistan a hmachhawn.

Bengaluru striker hian ram tan match 125-ah goal 80 a khung tawh a, international football khel mek zingah Cristiano Ronaldo (115 goals) chiah ram tana goal khung lamah a phak lo.

Chhetri chuan, "Ka chhungte - Indian football tan ka hlan e. Football hmangaiha kuangkuah tlattute, hei hi kan vaia kan thawhrah a ni. Kan President zahawm tak, Sports Minites leh he chawimawina dawng tura tling tawka min ngaitu committee chungah lawmthu ka sawi a, a aia nasain ka thawk leh ang," a ti.

Indian footballer ropui ber ang hiala tam takin an ngaih Chhetri hian Arjuna Award (2011) leh Padma Shri (2019) chawimawina pawh a lo dawng tawh a, AIFF Player of the Year-ah ṭum ruk thlan a ni tawh bawk.

Chhetri bakah hian Olympic-a javelin throw-a India tana gold medal latu Neeraj Chopra, Olympic silver-medallist wrestler Ravi Dahiya, Olympic bronze-medallist boxer Lovlina Borgohain, Olympic-a bronze medal latu Indian men's hockey team captain Manpreet Singh leh veteran woman cricketer Mithali Raj te chu Khel Ratna dawngtu langsar zual an ni.

Rashtrapati Bhavan-a India president Ram Nath Kovind-a'n chawimawina a semah hian Khel Ratna bakah infiammite chawimawina tho Arjuna award leh coach ṭha chawimawina Dronacharya awards an sem tel bawk.

India rama infiammite chawimawina sang ber Khel Ratna hian medal leh certificate bakah Rs. 25,00,000 (nuai 25) sum faiin a keng tel a, Arjuna award hian Rs. 15,00,000 (nuai 15), bronze statue leh certificate a ken keng tel thung.

Major Dhyan Chand Khel Ratna Awards
Neeraj Chopra (Athletics), Ravi Kumar(Wrestling), Lovlina Borgohain (Boxing), P.R Sreejesh (Hockey), Avani Lekhara (Para Shooting), Sumit Antil (Para Athletics), Pramod Bhagat (Para Badminton), Krishna Nagar (Para Badminton), Manish Narwal (Para Shooting), Mithali Raj (Cricket), Sunil Chhetri (Football), Manpreet Singh (Hockey).

Arjuna Awards
Arpinder Singh (Athletics), Simranjit Kaur (Boxing), Shikhar Dhawan (Cricket), CA Bhavani Devi (Fencing), Monika (Hockey), Vandana Katariya (Hockey), Sandeep Narwal (Kabaddi), Himani Uttam Parab (Mallakhamb), Abhishek Verma (Shooting), Ankita Raina (Tennis), Deepak Punia (Wrestling), Dilpreet Singh (Hockey), Harman Preet Singh (Hockey), Rupinder Pal Singh (Hockey), Surender Kumar (Hockey), Amit Rohidas (Hockey), Birendra Lakra (Hockey), Sumit (Hockey), Nilakanta Sharma (Hockey), Hardik Singh (Hockey), Vivek Sagar Prasad (Hockey), Gurjant Singh (Hockey), Mandeep Singh (Hockey), Shamsher Singh (Hockey), Lalit Kumar Upadhyay (Hockey), Varun Kumar (Hockey), Simranjeet Singh (Hockey), Yogesh Kathuniya (Para Athletics) Nishad Kumar (Para Athletics), Praveen Kumar(Para Athletics), Suhash Yathiraj (Para Badminton) Singhraj Adhana (Para Shooting), Bhavina Patel (Para Table Tennis), Harvinder Singh (Para Archery), Sharad Kumar (Para Athletics).

Dronacharya Awards (Lifetime)
T. P. Ouseph (Athletics), Sarkar Talwar (Cricket), Sarpal Singh (Hockey), Ashan Kumar (Kabaddi), Tapan Kumar Panigrahi (Swimming).

Dronacharya Awards (Regular)
Radhakrishnan Nair P (Athletics), Sandhya Gurung (Boxing), Pritam Siwach (Hockey), Jai Prakash Nautiyal (Para Shooting), Subramanian Raman (Table Tennis).
Rashtriya Khel Protsahan Puruskar (Sports Promotion Award)
Manav Rachna Educational Institution & Indian Oil Corporation Limited
Maulana Abul Kalam Azad (MAKA) Trophy
Panjab University, Chandigarh.