President's Cup ; Pre-quarterfinal khelh zawm dawn

Vawiin hian Suaka Cricket Ground, Sihhmuiah President's Cup 2021 khelh chhunzawm a ni dawn a, pre-quarterfinal inkhel hmasa zawkah Ramhlun Venglai leh Luangmual an inhmachhawn ang.

Cricket Association of Mizoram (CAM) hnuaia inelna hi Inrinni aṭang khan pre-quarterfinal hi khelh ṭan a ni a, ruah sur vangin match pangngai khelh zawh theih a ni lo. Bowl Out hmangin inkhel pahnihah chak zawk zawn a ngai.

Bowl Out hi football-a penalty shootout nen inang khatah a ngaih theih. Player panga thlan chhuahin batsman awm lohna stump an invawmfuh siak a, player panga ve vein an vawm zawha an la inhnehtawk a nih chuan sudden death hmanga chak zawk zawn leh tur a ni.

Legends leh Chhinga Veng ten Gorkha leh Kulikawn te an hneh a, team pahnih hi quarterfinal-ah an inhmachhawn zui leh ang. Ruahman dan chuan November 17, Nilaini hian pre-quarterfinal bik chu khelh zawh a ni ang.

Pre-Quarterfinal Results & Fixtures
November 13, Inrinni
Legends (13/1) bt Gorkha (136/5)
Legends hian Bowl-Out hmangin wicket kuain hnehna an chang
Toss: Gorkha lamin vuak hmasak an thlang
PoM: Lalruatsaka, Legends
Chhinga Veng bt Kulikawn
Chhinga Veng hian Bowl Out hmangin 2-1 in hnehna an chang

Vawiin Inkhel Tur
Ramhlun Venglai 09:00 AM Luangmual
Gladiators 12:30 Bawngkawn South
November 16, Thawhlehni
Hunthar 09:00 AM Tlangnuam
Chanmarians 12:30 PM Zarkawt Lords
November 17, Nilaini
Lily Veng 09:00 AM Ramhlun Venglai Jr
Armed Veng 12:30 PM Zemabawk Pitchers