North Macedonia tan beiseina

Germany awmna group, group J aṭangin rin loh taka pahnihna dinhmun hauhtu chu North Macedonia an ni a, Euro 2020-a inlan team hian an match hnuhnung berah team ṭha Iceland chu 3-1 in an hneh thei.

North Macedonia tan hian Saudi Arabian club Al-Ahli wing back Ezgjan Alioski chuan minute sarihna lekah goal hmahruai a khung a, mahse, Iceland tan Jón Dagur Thorsteinsson chuan si phurh hi a sut.

Hetihlai hian inkhel tawp ta se North Macedonia tan playoff beiseina a bo thei - hetihlai tak hian 2-0 a Liechtenstein hnehtu Romania chuan 1-0 in an mikhualna ramah hma an hruai mek.

Inkhel tawp ta se North Macedonia-in point 16 chiah an nei ang a, point 17 neitu Romania an tlang dawn tihna a ni. Mahse, an thiampuipa Goran Pandev-a'n ram tana inkhelh a chawlhsan tawh chungin a tel lo pawhin North Macedonia an talbuai lo.

Napoli midfielder Elif Elmas chuan minute 65-na leh 86-naah goal a rawn khung ve leh a, a goal khung inkarah F.C. Copenhagen midfielder Isak Johannesson chu a yellow card pahnihna avangin hnawhchhuah a ni bawk a, chak phu zawk North Macedonia an chak a, World Cup khelh beiseina an la neih chhunzawm zel e.