Bulls an chak ve ta

Tun hnaiah Chicago Bulls hian result ṭha an nei thei lo. Nimin zing khan Los Angeles Lakers lakah Bulls hi 121-103 in an chak ve hlauh a, tun hnai match an khelh hnuhnung pakua aṭanga an chak ve na hmasa ber a ni.

Staples Center-a inkhelah DeMar DeRozan (38 points) leh Lonzo Ball (27) te an che ṭha a, NBA regular season kal laiah match khata point an hmuh hnem ber ṭum an tawng. Bulls hian 2016 November thla hnua Lakers an hneh ve lehna hmasa ber a ni hial.

Lakers hian hliam vangin LeBron James an la chhawr thei lo, hliam vangin James hi match sarih chhung a inlan thei ta lo a, a awm loh hlanin a team hian ngai an awh phak lo. Tun season-ah vawi sarih ngawt an tlawm tling tawh.

Inkhel dangah Phoenix Suns chuan Minnesota Timberwolves lakah 99-96 in hnehna an chang. Suns hi tun hnaiah a zawnin match kua an chakna a ni der tawh, hnehna an chan theih nan Devin Booker (29 points) leh Deandre Ayton (22 points & 12 rebounds) te an ṭangkai hle.