President's Cup ; A thiam pariat a hriat dawn

Cricket Association of Mizoram hnuaia inelna neih lai President's Cup 2021-22 season chu vawiin hian a thiam zual pariat a hriat kim dawn. Suaka Cricket Ground, Sihhmuiah pre-quarterfinal inkhel hnuhnung pahnih a awm ang.

Nimin khan ruah a sur avangin match pangngai khelh theih a ni lo. Hunthar leh Tlangnuam ten over khat chauh hmangin chak zawk an zawn a ngai, 15 runs-in Hunthar hian hnehna an chang a ni.

Match hnuhung zawkah pawh khua a ṭha thei chuang lo. Over nga hmanga chak zawk zawnnaah Chanmarians chuan an khingpui Zarkawt Lords chu wicket sarihin an hneh ve bawk.

Legends, Chhinga Veng, Hunthar, Chan-marians, Ramhlun Venglai leh Bawngkawn South ten quarterfinal an in vaw kai fel tawh a, vawiin hiam hmun ruak pahnih la awm chu hnawh khah a ni ang.

November 18, Ningani aṭangin quarterfinal hi khelh chhunzawm leh a ni dawn. Ruahman lawk dan chuan November 22, Thawhṭanniah final khelh tur a ni dawn, khua in a bumro reng chuan inelna hi a hlut tur angin a hlu thei lo ang.

Vawiin Inkhel Tur
Lily Veng 09:00 AM Ramhlun Venglai Jr
Armed Veng 12:30 PM Zemabawk Pitchers

Nimin Inkhel Results
Hunthar (17/0) bt Tlangnuam (2/0)
Hunthar hian run 15-in hnehna an chang
Toss: Tlangnuam lamin vawm hmasak an thlang
PoM: B Lalnunfela, Hunthar
Chanmarians (35/3) bt Zarkawt Lords (34/3)
Chanmarians hi wicket sarihin an chak
Toss: Chanmarians lamin vawm hmasak an thlang
PoM: Lalfalzuala Renthlei, Chanmarians