West Ham fans zin an phal dawn lo

Europa League an khelh leh turah West Ham United chuan fans an nei thei dawn lo. Genk muala an len luh ṭumin Hammers ṭantuten buaina an siam a, hei vang hian khualmuala match an khelh leh turah a hmuna ṭantu an nei thei dawn lo a ni.

Premier League chuan an chunga UEFA chet dan hian a barakhaih thu an sawi, hrem an nihna hi an khinglet thei dawn a, ngaihhnathiam emaw tih nepsak emaw an nih chuan entu pawh an la nei ve leh mai thei bawk.

London club hi £30,000 chawitir an ni bawk. November 27-a Rapid Vienna nen an inkhelh turah hian ticket 1,700 an chang, an ticket chan pawh hi an hralh zo vek tawh - EPL club hian buaina thleng leh thil awmdan chu chiang zawka chhui chian an phut thu an sawi.

West Ham hian match pali aṭanga point 10 hmuin group H hmahruaitu an ni a, khelh hmabak pahnih nei chungin knockout round an lut fel der tawh