Indonesia-ah Sindhu inlan dawn

PV Sindhu chu Indonesia Masters Super 750 tournament-ah a inlan dawn. Olympic medal vawi hnih dawng tawh Sindhu hian a sang thei ang ber thlen a tum a, medal la phak chinah chuan a awm theih a beisei.

Sindhu a inlan dawn lai hian Saina Nehwal leh Sameer Verma te erawh hliam vangin an inhnukdawk thung a, tun dinhmunah chuan Sindhu hi India tana medal lak beiseina sang awmchhun a ni ang.

World Championship 2019 khan Sindhu-i'n medal a chawi a, a hnu lamah erawh inelna hrang hrang hmachhawn leh tawh mah se a la champion leh miah lo; nomawi a chawi lohna a rei tawh vang vang hle.

Kum 26 mi Sindhu chuan, "Engmah sawi lawk theih a ni lo, amaherawhchu tournament ka hmachhawn dawn hi chuan champion tumin ka inlan ṭhin. A ṭha ber nih theih loh pawhin a sang zual pathum zingah tal tel phak ka tum ang," tiin a sawi.

India nula chhuanvawr Sindhu hian Rio Olympic-ah khan silver medal a la. Tokyo 2020-ah bronze medal a vaw chhuak leh a, Indian infiammi zingah badminton huanga Olympic medal pakhat aia tam la thei hmasa ber a ni.